رواية لو مراتك ماتت اياك تتجوز عليها (كاملة حتي الفصل الاخير) بقلم اسماعيل موسي
مراتي قبل ما تموت كانت دايمآ تسألني لو مت هتتجوز واحده غيري؟ كنت برد واقول مستحيل طبعآ لكنها مكنتش بصدق، كانت بتقول احلف!
كنت بحلف عشان اريحها وكنت وقتها صادق مش هتجوز واحده غيرها لأنها كانت كل حياتي.
كنت بتريق عليها واقلها انتي لسه صغيره ليه دايمآ بتفكري في المoت؟
كانت تقلي لو تجوزت واحده غيري مش هسامحك، مش بس كده كانت بتقول انها هتطين عيشتي.
ماتت مراتى فجأه كأنها كانت عارفه انها هتمو@ت، كانت صدم#مه رهيبه خاصه انها تركتلي طفله رضيعه، حاولت اني اعتني بيها واوفق بين الشغل وبينها لكني فشلت، دورت كتير عن شغاله تاخد بالها منها، فعلا لقيت شغاله وافقت انها تراعي بنتي وتخدم البيت، كانت بنت عشرينيه ساكنه جنبنا وكانت فرحانه جدا بالشغل لاني خصصت لها مرتب كويس.
بس البنت مكملتش معايا، البدايه كانت بتشتكيلي انها بتسمع أصوات في الشقه، في الحمام والمطبخ، بعد كده قالتلي انها شافت عفر@يت في الشقه من وقتها وسابت الشغل، ومشيت.
جبت مشايخ كلهم شافو الشقه، وأكدو ان مفيش أشباح ولا ارواح فيها رغم كده حصنو الشقه بالقرأن.
بحثت كتير عن شغاله تانيه ملقيتش لحد ما صعبت على جارتنا هي ارمله بس عمرها ٢٩ سنه اسمها هند، قالت إنها هتاخد بالها من طفلتي وقت الشغل
فعلا عملت كده اكتر من شهر، بعد كده قالت انت مش كنت بتدور على شغاله!؟ قلتلها اه
قالت انا هخدمك في البيت واخد بالي من البنت كمان وانا اولي من الغريب كان قصدها على المرتب
وافقت بصراحه نجدتني من الغسل والكنس والطبخ، بصراحه هند حلوه اووي وكانت عجباني من زمان حتي لما كنت متجوز تحس كده انها فرسه وانا كنت حاطط عينى عليها من زمان
كانت بتقعد اوقات كتيره في الشقه الأول كانت بتمشي اول ما ارجع من الشغل، بعد كده بقيت تقعد لحد الليل كنا نقعد نتكلم ونتسلي مع بعض
بعد ما الشهر ما خلص اديتها المرتب، مرضيتش تاخده قالت انت بتشت@مني يا احمد؟
وحلفت بالله ما تاخده
حسيت ان فكرة المرتب دي كان تلكيكه عشان تقرب مني وانا مكنتش معارض الصراحه، مراتي كانت مات@ت من زمان وبدأت أشعر بالوحده والحر@مان.
< > < >
لحد ما عرضت عليها انها تبات عندنا في الشقه لان بنتي مش بتبطل عياط الليل كله ومش بعرف انام.
هند، قالت عادي هاخد البنت عندي بالليل.
قلت بس انا مش هستحمل بنتي تبعد عني، متيجي انتي احسن؟
هند سكنت معانا في الشقه وبدأت احس بالسعاده مره تانيه، مره في مره بدأت تجاوزات تحصل ما بينا لكن تجاوزات بسيطه وكنا بنتعمد انها تكون مش مقصوده انا وهي كمان.
حياتي تغيرت خالص انا الي مكنتش بطيق ادخل المطبخ بقيت بساعد هند في الطبخ عاشان بس اكون قريب
منها او الم@سها، بساعد في غسل الاطباق وبرتب هدومي.
بس هند كانت جميله لدرجه برجلتني وكانت تتعمد تخرج قدامي بمقصان نوم خفيفه كأنها مش واخده بالها بس انا كنت فاهمها كويس
في ليله مقدرتش استحمل خالص، هند كانت في اوضتها وكانت سايبه الباب مفتوح وكانت نايمه علي السرير
مشيت ناحية غرفتها ووقفت علي الباب قلتلها هند انتي نايمه؟
ناديت هند، هند؟
قالت تعالي يا احمد
يدوبك قالت الكلمه وكل لمبات الشقه فرقعت ملحقتش ادخل برجلي جوه الغرفه
هند قعدت تص@رخ واتر@مت في ح١ضني انا كمان كنت مرعو@ب مش قادر امسك اعصابي، حاولت اعمل راجل، قلت متخفيش يا هند
اللمبات اتحر@قت بس، الظاهر التيار الكهربائي ارتفع فجأه
قلتلها استني هنا هنزل اجيب لمبات جديده واغيرها
هند قالت ابدآ، مش هقعد هنا وحدي رجلي علي رجلك
البنت صر@خت رحت جبتها، شلتها وقعدت بيها على الكنبه وهند قعدت جنبي بس مرميه في حضني، كانت خايفه اوي وضعيت عليا
< > < >
قعدت اطبطب على كتفها واقلها متخفيش، انا هغير اللمبات مفيش حاجه حصلت.
هند خدت البنت وراحت شقتها وانا نزلت اجيب لمبات جديده، السلم كان ضلمه واحنا ساكنين في آخر دور شقتين في وش بعض
كنت بنزل وانا بسند علي الحيطه خايف أقع
نزلت دورين، قدام شقه فاضيه صحابها عزلو منها باب الشقه كان مفتوح انا قلت يمكن الغفير نسي يقفله يدوبك حطيت رجلي وهنزل وقطه سوده ضخمه نطت فوق راسي
انا قعدت اصر#خ والقطه نازله تخ@ربش في وشي لحد ما قطعته عمال امسكها عشان ار@ميها مش قادر كانت بتعض في كتفي، اتكعبلت ووقعت علي السلم، مسحت السلم وانا بتدحرج لتحت
وجسمي كله اتملي خدوش
قدرت أقف بس معرفش ازاي القطه وصلت تحتي في السلم بدل ما كنت هجري لتحت طلعت جري لفوق والقطه ورايا عايزه تمو@تني.
دخلت شقة هند وقفلت الباب ورايا والقطه عماله تخربش في الباب من بره، جسمي كله مكسر مش قادر انصب طولي
هند قلتلي فيه ايه؟
قلتلها اسكتي في قطه متوح@شه بره عضتن@ي ووقعتني علي السلم
قالت خايف من قطه يا احمد؟
قلت انتي مكنتيش هناك مشفتيش الي حصل
قالت اسكت بس انا هخرجلها.
قلتلها بلاش يا هند؟
هند فتحت باب الشقه، القطه السوده الي حجمها اكبر من الطبيعي كانت واقفه قدام الباب، المفروض ان القطه تخاف لما شخص يلوح بايده او يكون ماسك عصايه، لكن القطه دي مكنتش خايفه حتي لما هند قربت منها عاشان تض@ربها القطه فضلت في مكانها مهربتش.
هند قربت بالعصايه من القطه قبل ما ترفع ايدها القطه قفزت على وشها، هند وقعت على ضهرها والقطه غرست ضوافرها في وشها
هند صرخ@ت، القطه موقفتش، هاتك يا ع@ض وخرب@شه، انا واقف مكاني بتابع المعركه مبنج مش قادر اتحرك، القطه موقفتش غير لما طفلتي عيطت جامد، ساعتها القطه وقفت ومشيت.
هند وقفت، الد@م كان نازل من ايديها ورقبتها، كانت مر@عوبه بتقول استحاله دي تكون قطه عاديه
قلتلك يا هند بلاش عملتي نفسك فيها الاندر تيكر
مخرجنش من الشقه غير بعد ساعه نزلت اشتريت لمبات جديده، ركبتها في الشقه بعدها هند وطفلتي وصلو الشقه عندي
< > < >
الي حصل كان غريب انا وهند قعدنا نضحك طول الليل
وبعد ما طفلتي نامت كنت بحاول اداوي جروح هند في ايدها ورقبتها بس موقفتش عند كده هند كانت نايمه علي الكنبه بصراحه ممسكتش نفسي، بوس@تها، هند كانت مستسلمه رغم أنها كانت بتقول لا !
اول ما رحت احض@ن هند شباك الشقه اتفتح بعن@ف، القطه السوده كانت علي الشباك بتبص ناحيتنا كأنها غضبانه هند اول ما شافتها صرخ@ت وهربت على أوضة طفلتي.
القطه متحركتش،عقلي كان هيتجنن ازاي طيب؟ وليه بيحصل كده؟
قدرت اقفل الشباك بس عقلي هيطير مني، تاني يوم الصبح اشتريت سم، وحطيته على مخارج الشقه والشبابيك، قلت لو ظهرت تأني هق@تلها.
رحت الشغل، هند كلمتني الضهر قلتلي القطه ظهرت تاني على السلم بس مقربتش من السم رغم أنها حطت لبن وسمك بس مفيش فايده
قالتلي انا حاسه انها بتراقبنا يا احمد، تكونش عفر@يت؟
هزرت معاها قلتلها عف@ريت مش بيطلع غير لما اح@ضنك او ابو@سك؟
كنت بضحك معاها لكن الكلمة لزقت في عقلي، تكونش فعلا روح او عفر@يت؟
طلبت من هند تسيب الشقه لاني هجيب
شيخ معايا ومش عايزه يشوفك هناك.
الشيخ دخل الشقه قالي فعلا فيه حاجه غريبه في الشقه دي، تواصل روحي عهد منقوض، بعدها بصلي قالي انت وعدت حدت قبل موت@ه بحاجه؟
كنت نسيت كلامي لمراتي قلتله لا!
اصلي العهود الأربعه الروحيه مش بينفع فيها تحصينات لازم فديه او د@م او لعن@ه.
عهود ايه بس يا شيخ انا عايش لوحدي مع طفلتي ومليش علاقه بالج@ن والعفا@ريت والس@حر والكلام الفاضي ده
الشيخ قال علي العموم
انا حصنت الشقه طالما مفيش عهد منقوض مفيش حاجه هتظهر تاني.
بالليل قلت لهند اخيرا بقينا وحدينا؟ انا عايز حض@ن! ؟
هند اتدللت عليه وهربت على غرفتها وقفلت الباب بس مش بالترباس، قدرت افتح الباب ومسكتها، يدوبك حضنتها وبوستها وكل انوار الشقه انف@جرت.
< > < >
لزقنا في بعض من الخوف خاصه ان صوت مواء القطه سمعناه في الصاله بره.
هند اتشعبطت فيه وجسمها كله بيترعش اول مره تحضني بالطريقه دي، كنت مرعوب زيها واكتر بس شتمت العفريت ده في سري الي مش مخليني استمتع ولا بلحظه حميميه.
هند قالت على فكره ده عفريت او عفريته مش قط ابدآ انا قافله كل شبابيك الشقه بنفسي، دخلت من خرم ابره يعني؟
عملت فيها راجل قلتلها متخفيش يا حبيبتي احنا هنخلي حتة قطه مع@فنه تخلينا منستمتعش بحياتنا؟
انا هم@وتها !
هند قالت انا خايفه يا احمد
قلت انا هطلع دي حتة قطه.
الدنيا ضلمه انا مش شايف حاجه، سامع بس صوت حركه سريعه في ارجاء الصاله سامع مواء القطه المر@عب، مسكت عصاية المكنسه وانتويت اكسرها على دماغها
فتحت نور فلاش الهاتف وقعدت ادور عليها في الصاله مشفتش حاجه، نور الفلاش انطفاء بالغلط لحظتها مرت القطه من بين رجليه
انا قفزت لفوق بقدمي، لما نور الفلاش انفتح بصيت لقيت القطه قدامي وسط الضلمه عينيها مبرقه زي النا@ر، ضرب@تها بكل قوه بالعصايه علي ضهرها
العصايه اتكسرت ونور الفلاش انطفى تاني، قلت اكيد موت@ها، كنت فرحان وبسرعه شغلت فلاش الفون
القطه كانت واقفه في مكانها، في د@م في ضهرها، نص العصابه المكسور مرمي جنبها
مسكت قطعة الخشبه تاني وضر@بتها على ضهرها ودماغها، القطه متحركش ولا نطت بعيد عني ولا حتى كشرت عن انيابها
أدركت انها مستحيل تكون قطه، القطه بكل لامبلاه بعد ما بصت في عينيه قفزت قفزه كبيره من وسط الصاله احد الشباك
وقفت بقدميها على الشباك بصت ناحية غرفة هند وأطلقت مواء طويل وحزين واختفت.
هند سألتني مشيت؟
قلت اه، طلبت منها تنتظر لحد ما ارجع، اشتريت لمبات جديده ركبتها في الشقه.
قفلت الشباك كويس، تربسته وحطيت وراه قطعة خشب دعامه ثبتها بالمسامير، حتى لو جه أسد مش هيقدر يفتح الشباك تاني
تأكدت ان منور المطبخ مقفول
باب الشقه مقفول، القطه بره الشقه
طلبت من هند تعمل شاي وقعدنا في الصاله ندردش، رغم مخاوفي كنت بحاول اهدي هند واقنعها ان كل حاجه تمام، الجو كان حر، هند تخلت عن بعض هدومها.
< > < >
كانت جميله ومرعوبه، مظهر استثنائي غريب، أجج مشاعري وأثار رغبتي باقتناص قبله
قبل ما أقرب من هند حطيت في أعتباري كل الي ممكن يحصل
اللمبات الي ممكن تتحرق، القطه الي ممكن تظهر بأي لحظه
وتفسد مزاجي:! مش هسمح بكده تاني، حتى لو كانت القطه روح، افتكرت كلام الشيخ، حتى لو كانت روح مراتي مش هسمح تعكر مزاجي، هغير قواعد اللعبه
قلت هند قومي أرقصي.
شغلت الموسيقى، قعدت على الاريكه، حاطط سيجاره في فمي
رافع ساق على ساق ومتكاء بظهري للخلف برومانطقيه
عيني وسط راسي بتتنقل بين النافذه والباب والمطبخ.
هند بدأت ترقص، وسطها مرن منكرش، لكن هناك من العدم القطه ظهرت في الشباك.
عملت نفسي مش واخد بالي ودا الي تعلمته في الحياه عمري ما اخترت المواجهه، ثبت عيني علي هند بس
طرف عيني متابع القطه
كانت واقفه بشموخ واستنفار زي جندي الحدود، يا تري مفهمتش اللعبه؟ انا نجحت في تغفيلها؟
هعرف دا حالا، سبت هند ترقص والي كانت وصلت لحاله من الانشك@اح خلتها أفظع من صافيناز.
القطه مغتا@ظه كان واضح على تكشيرتها لكن ما قامتش بأي حركه
وقفت في مكاني اول ما عملت كده القطه استنفرت واستعدت للحركه
قربت من هند بس متابع القطه
قلت انا هرقص معاكي، يدوبك حاوطتها بدراعي وكل شيء أصبح ظلام وسمعنا مواء القطه.
هند صرخ@ت،كتمت بقها، هتفض١حينا يا وليه؟
هند جريت علي الاوضه وهي بتص@رخ عفري@ت
قعدت في مكاني على الكنبه وولعت سيجاره تاني وشفت عينين القطه الى بتبرق شزر مصوب ناحيتي.
< > < >
مرتعبتش ولا خفت ولا قمت بأي حركه، سحبت الدخان من السيجاره ودفعته ناحية القطه الي كانت مستغربه من ثباتي الغير طبيعي
اتنهدت جامد، قلت تعالى يا لبني قربي هنا؟
لبنى دا اسم مراتي علي فكره
هند زعقت انت بتكلم مين؟
قلت اسكتي انتي!
القطه اصدرت مواء طويل مرعب، نطت علي الشباك، شفتها على نور الشارع بصت ناحيتي وققزت للخارج واختفت.
قعدت فى مكانى شويه، مبسوط اني عرفت السر ونفس الوقت خايف، بسأل نفسي هي دي لبني فعلا؟
دا شبحها ولا عفري@ته ولا ايه؟
وان كانت لبني عايزه ايه؟ ليه مصره تدمر حياتي؟
كنت بفكر الحل ايه ؟
مقدرتش اوصل لنتيجه بس علي الأقل وضعت ايدي على بداية الخيط.
هند متجرأتش تخرج من اوضتها، قلت تعالي متخفيش!
قالت القطه مشيت؟
قلت ايوه مشيت
خرجت قعدت جنبي جسمها بيرتعش، انا مش ممكن اقدر اعيش بالطريقه دي يا احمد انا بمoت من الرعب
قلتلها انا تقريبا عرفت السبب؟
قالت ايه؟ قول بسرعه
قلت حد عاملنا عمل، دي مش قطه، دي شب١ح
هند قالت يا لهوي
هنعمل ايه طيب؟
قلتلها فيه حل بس صعب شويه هتقدري تعمليه؟
قالت احاول، بس قول الأول
قلت عايزك تصاحبي القطه متخفيش منها، كلميها لما تشوفيها، حطيلها أكل، في الفتره دي متقربيش مني خالص، القطه دي بتطلع لما المسك بس
تحبي تتأكدي؟
قالت بس انا خايفه!
< > < >
قلت متخفيش،قربت من هند حضن@تها وقبل ما ابو@سها سمعنا صوت القطه، بعدت هند عني، روحت قعدت بعيد عنها، الصوت اختفي
هند بعد شويه قالت دا حقيقي، دي عفر@يت
هنعمل ايه؟
انتي حاولي تصاحبيها وانا بكره هجيب شيخ يتصرف
اتفقنا على كده، الليله عدت من غير ما القطه تظهر
جبت شيخ فعلا، دخل الشقه، حط بخور وقراء قرأن، قال فيه شبح فعلا في الشقه
قلتله عارف امال انا جايبك ليه؟
الشيخ عزم عليه بس مقدرش يعمله حاجه
قال فيه حاجه غريبه هنا، الروح مش بتستجيب، رجع تاني يسألني انت عقدت عهد مع روح قبل موت@ها؟
قلتله ابدا والله
قالى مراتك ماتت ازاي؟
حكتله الي حصل، بس ذكرت كلامها قبل ما تمو@ت
قال بس، هو دا السبب، دي روح مراتك بتطاردك، مش هتسحملك تلمس ست غيرها غير لما تسوي امورك معاها
قلت ازاي بس؟
< > < >
قال نعمل جلسة تح@ضير ار@واح ونحاول نحل العهد ده!
جلست تحض@ير ارواح ايه بس يا شيخ انت بتهزر؟
يابني اسمعني نقض العهود مش سهل؟ مع كل بدر بيمر العقاب بيزداد روح المظلوم بتتغذي علي روح الظالم
بلاش فلسفه يا شيخ اطرد العفري@ت بس! لو عايز فلوس اكتر هديك بلاش لف ودوران
الشيخ قال، عيب عليك يا ابني الكلام ده، الروح دي مش هسيبك،
الي فهمته انها روح مراتك، عاشان كده رافضه تستجيب للتواصل معايا
بعد كده الشيخ بص ناحيتي وقال، انت بتعمل حاجه غلط هنا؟
غلط ايه بس يا شيخ، انا عايش مع طفلتي والوحده قاتلاني، انا من اول ما مراتي مات@ت مبصتش لست غيرها!
امال مراتك ظهرت في حياتك ليه؟ المفروض مراتك متظهرش غير لو نقضت العهد؟
قلت، مين يقدر يأكد انها مراتي اصلآ؟
دا شغلك انت يا شيخ، بلا روح بلا نيله، اطرد الشب@ح ده مهما كلفني من فلوس وحاجات.
الشيخ ___هحاول تاني بس،القطه السوده مش راضيه تظهر ليه؟
ممكن تحاول تعمل حاجه تخليها تظهر ؟ اعمل ايه بس يا شيخ، انا جايبك هنا ليه؟
الشيخ فكر كده شويه، بعد كده قالي طيب بنتك بتنام معاك في اوضتك؟ ولا ليها غرفه لوحدها؟
قلت، ليها غرفه لوحدها، بس بتسأل ليه؟
الشيخ، لو ليها غرفه لوحدها اكيد القطه بتروح عندها بأعتبارها بنتها.
بصراحه مفكرتش في كده، فكرت في نفسي لو دا سبب ظهورها انا ممكن ابعت بنتي عند جدتها، ويفضالي الجو انا وهند
الشيخ سألني بتفكر في آيه؟
قلت مفيش
باب الشقه خبط، كنت متأكد انها هند مع اني طلبت منها متظهرش، بغيظ فتحت الباب
سألتها عايزه ايه ؟
طلبت منك متظهريش؟
همست القطه في شقتي كانت هتمو@تني، انا مرعوبه اوي يا احمد، زقتني ودخلت الشقه.
ارتبكت، قلت للشيخ هند جارتنا كانت عارفه موضوع الشبح وجايه تطمن
< > < >
الشيخ ضحك وقال وماله؟
يدوبك هند قعدت وسمعنا صوت القطه علي الشباك
الشيخ بص على القطه وبص علي هند بعد كده بصلي وضحك
حاول يتكلم مع القطه لكنها رفضت تتحرك او ترد
اكتر من ساعه مفيش فايده، القطه واقفه على الشباك مش بتتحرك
الشيخ قال انا همشي مفيش فايده، انا مش هقدر اعمل حاجه
قلتله انت شيخ فاشل وانا غلطت اني جيبتك اصلا.
على الباب الشيخ قالي، بلاش الي بتعمله ده يا ابني، كده روح مراتك هتأذيك، تقريبا انا فهمت الي بينك وبين الست دي، وليه القطه ظهرت لما دخلت.
بص ياشيخ اعتقد مفيش اي مشكله اطلاقا تمنعني بأمتلاك امرأه تعجبني، اذا كنت عاجبها انا كمان.
ثم القطه دي لو كانت روح مراتي فهي مجبره تطيعني في ممات@ها زي ما كانت بتطعني في حياتها
بصيت ناحية القطه الي كانت ولازالت متسمره جنب النافذه المزججه
لو انتي شبح مراتي او روحها انا مش خايف منك، هديكي فرصه تثبتي طاعتك وولائك يا لبنى.
هانتظرك الليله في الصاله هنا تحضري لو معملتيش كده انا هعاقبك
الشيخ قال انت اجننت خالص، انت مش عارف ممكن يحصل ايه! ؟
قلتله خلص الكلام يا شيخ، الكلام دلوقتي بأيد لبني مراتي دا على افتراض ان القطه دي روحها.
القطه بصت ناحيتي بتركيز بعد كده قفزت للخارج والشيخ مشي هو كمان.
بالليل حضرت القطه السوده وقفت علي الشباك كنت قاعد بالصاله بدخن سيجاره، قلتلها تعالي متوقفيش عندك يا لبني
القطه نطت جوه الصاله، وقفت لحظه متردده بعد كده قفزت فوق الكنبه جنبي، ناديت علي هند قلتلها تعالي، رغم خوفها هند جات قعدت جنبي.
قلتلها اعرفك بمراتي هند، انتم تعرفو بعض طبعآ؟
مش هطلب منكم تاخدو بعض بالحضن، لكن هطلب من لبني انها تكون مطيعه وتسمع كلامي عاشان صالح طفلتنا!
القطه متحركتش كان بتسمع الكلام كأنها انسان بالضبط، ودلوقتي انا منتظر ردك يا لبني؟
فجأه القطه تحولت لطيف ضخم وبشع، قالت انت فاكر اني مقدرش ااذيك؟
اتلخبطت من الرع@ب وانكمشت علي نفسي وهند لزقت فيه
حاولت اتمالك نفسي، قلت متقدريش تأذيني عاشان بنتنا؟
شبح مراتي تحرك وجلس علي الكنبه مره تانيه وسرت بروده في جسدي.
انا هسمح ليك تتجوز هند لكن مش هسمح ليك تدنس شقتنا بنجاستك
رغم كده انا هاحتفظ بحقي بعقا@بك
موافق؟
< > < >
عقاب ايه؟انتي متقدريش تعا@قبيني يا لبني، سواء كنتي شبح او حيه هتطيعيني غصب عنك!
شبح لبني تضخم وكبر عمل صوت ضخم بالشقه قبل ما يختفي قال اتجوز هند الليله.
رغم ان الوقت متأخر جبت مأذون كتب الكتاب واصبحت هند مراتي
شبح لبني مظهرش تاني خلال تلك المده، لما اتجمعنا انا وهند علي السرير اخيرا القط
ه ظهرت في الاوضه، نطت وقعدت وسطينا، فصلت بيني وبين لبني.
اتضاقيت اوي،ورغم خوفي الا اني تحليت بالثقه، قعدت علي طرف السرير، قلت لبني خلينا نتفق، انا اتجوزت هند زي ما انتي عايزه، دلوقتى بتعملي كده ليه؟
ايه طلباتك بمعنى أصح؟
عقابي ليك يا احمد اني هكون موجوده في حياتك رغم مoتي، انا هكون مراتك زي ما كنت في حياتك
بس انتي مي١ته يا لبني انتي مجرد ش١بح؟
شبح !!
لكن قالت لبني كده وفجأه تشكلت في هيئة جسد مراتي
لبني؟
المفاجأه اخرصتني مقدرتش اتكلم
هتكون معايا زي ما هتكون معاها دا شرطي يا احمد
بصيت لهند الي كانت صامته مش فاتحه بقها ولا قادره تنطق بكلمه
ايه رأيك يا هند؟
طالما مش هتأذيني انا معنديش مشكله
قلت خلاص مفيش مشكله اتفقنا،
مدت لبني ورقه تشبه العقد اظهرتها من العدم، قالت وقع هنا بدم@ك
وانتي كمان وبصت لهند
حطينا نقطتين د@م على الورقه، قالت لبني كده العهد اتخذ صفته الشرعيه.
قلت، تقدري حضرتك دلوقتي تختفي يا لبنى!
قالت لا، الليله ليلتي انا!
ليلتك ازاي انا لسه متزوج من هند وعايزها
هنا لبني تحولت لمخلوق ضخم ومتو@حش، خنق@تني من رقبتي كنت مش قادر اتنفس، انت كتبت عهد، جه الوقت الي لازم تسمع فيه كلامي وتطعني وإلا هقضي عليك خالص، هحولك لأنسان منزوع الروح
طوحتني في الهوا ورزعتني على الأرض،قعدت لبني علي السرير، صباعها ولع نا@ر، كنت مرمي علي الأرض بس حسيت جسمي كله ولع نا@ر
كانت بتبص ناحيتي بتضحك وانا بصر@خ من الوجع، صرخ@ت انا متأسف هسمع كلامك.
من الليله دي وحياتي كلها تحولت لخضوع ورعب، كنت غبي جدآ لما عرفت بعد كده ان عهود الموت@ى والعف@اريت مس بتكون ساريه غير لو كتبت علي ورق انشاياص وبصمت بالدم.
لبني مبطلتش تحكم بيا حتي لما اكون في ليلة هند كانت بتتحكم في حركاتي كانت تستمتع بتعذ@يبي، باكون بحضن هند وفجأه أشعر بضعف مش بيخليني اقدر اعمل حاجه.
حاولت اتخلص من العهد دا بشتي الطرق بس كل المشايخ أكدو لي أن مفيش فايده واني هفضل طول عمري إذا مكنتش راغب بالهل@اك بطاعة لبني الي الأبد.
انتهت
متتجوزش علي مراتك.